س قاعده قدام اللاب توب
فضلت قاعدة قدام اللاب توب ومش قادرة أتحرك وأنا لسه سامعة صوت الراجل الغريب في ودني وهو بيقول إن حسام بنفسه مضى على الورقة الأصلية
بصيت على الساعة لقيت الوقت عدى نص الليل بكتير وأمي كانت نايمة في الأوضة بعد ما أخيرًا قدرت تستريح شوية بعد شهور من العلاج
قفلت اللاب توب بسرعة أول ما سمعت صوت مفتاح في الباب
حسام رجع
دخل البيت وهو بيتكلم في التليفون بصوت واطي وأول ما شافني قاعدة في الصالة سكت فجأة
بص لي وقال
إنتي لسه صاحية؟
حاولت أبان طبيعية وقلت له
كنت مستنياك
رمى مفاتيحه على الترابيزة وقال
مستنياني ليه؟
بصيت في عينيه وقلت
عايزة أسألك سؤال
اتنهد وقال
خير يا مريم؟
قلت له
إنت عمرك وقعت على ورقة باسمي من غير ما أعرف؟
وشه اتغير للحظة
لحظة صغيرة جدًا
بس أنا شفتها
وبعدها ضحك وقال
إيه الكلام الغريب ده؟
قلت
جاوبني بس
قال بعصبية
إنتي بتتهميني؟
قلت له
أنا بس بسألك
قرب مني وقال
إنتي بقالك فترة غريبة ومش طبيعية وكل شوية تحققي ورايا في الحسابات
سكت شوية وبعدين قال
وبعدين إيه اللي دخلك في فلوس أختي؟
هنا قلبي دق بسرعة
لأني ماكنتش قلت له أصلًا إني شفت التحويل اللي راح لأخته
بصيت له وقلت
إنت عرفت منين إني شوفت تحويل داليا؟
اتجمد مكانه
لأول مرة ماعرفش يرد
فضل ساكت ثواني طويلة
وبعدين قال
أنا... أنا قصدي إنك أكيد شوفتيه
قلت
لأ يا حسام
إنت فهمتني إنك عارف
قرب مني أكتر وقال
إنتي عايزة توصلي لإيه؟
قلت له
عايزة أعرف الحقيقة
ضحك ضحكة باردة وقال
الحقيقة إنك بقيتي شكاكة
ومش واثقة في جوزك
رديت عليه بهدوء
بعد اللي شوفته منك تجاه أمي أعتقد إن من حقي أسأل
أول ما جبت سيرة أمي اتعصب
وقال
ماتدخليش أمي وأختي في الموضوع
قلت
أنا مش بدخلهم
إنت اللي دخلت فلوسنا في حياتهم
وقتها سكت
وبعدين دخل أوضته وقفّل الباب وراه
أنا فضلت مكاني
كنت متأكدة إن سكوته مش معناه إن مفيش حاجة
بالعكس
كان معناه إن فيه حاجة هو خايف أكتشفها
تاني يوم الصبح صحيت على رسالة من نفس الرقم الغريب
قابليني الساعة 6 المغرب عند الكافيه اللي جنب محطة مصر
ماتجيبيش حسام معاكي
ولو سألتي ليه هقولك لأن حياتك ممكن تكون في خطر
قعدت أبص للرسالة وقت طويل
كنت خايفة
لكن خوفي ماكانش كفاية إني أتراجع
الساعة 5 ونص خرجت من البيت وقلت لحسام إني رايحة أزور أمي
وصلت الكافيه وقعدت في آخر ترابيزة
بعد حوالي عشر دقايق دخل راجل في الخمسينات وقعد قدامي
بص حواليه كذا مرة قبل ما يقول
إنتي مريم؟
قلت
أيوه
طلع ظرف بني من شنطته وحطه قدامي
وقال
قبل ما أقولك أي حاجة لازم تعرفي إن اللي جوا الظرف ده ممكن يغير كل حاجة
فتحت الظرف بإيد بتترعش
كان جواه صورة لعقد
وصورة لتحويل بنكي
وصورة تالتة خلتني أحس إن الأرض بتتهز تحت رجلي
كانت صورة حسام وهو واقف قدام
لكن اللي صدمني مش الصورة
اللي صدمني الشخص اللي كان واقف معاهم
لأنه كان نفس الشخص اللي المفروض إنه مات من أكتر من عشر سنين
رفعت عيني للرجل وقلت بصوت مخنوق
مين الراجل ده؟
بص لي وقال
ده السبب الحقيقي اللي خلى جوزك يزور توقيعك
وقبل ما يكمل كلامه موبايلي رن
كانت مكالمة من حسام
بصيت للشاشة وبعدين بصيت للرجل
قال لي بسرعة
ماترديش
لكن في نفس اللحظة وصلتني رسالة من حسام
أنا عارف إنتي فين يا مريم
حسيت ببرودة في جسمي كله
لأن الرسالة اللي بعدها كانت أخطر
والراجل اللي قدامك ده... لو كمل كلامه معاكي مش هتقدري ترجعي بيتك تاني
فضلت باصة للرسالة وأنا مش قادرة أستوعب إن حسام عرف مكاني رغم إني ماقلتلوش أنا رايحة فين ولا قابلت مين
الراجل اللي قدامي مد إيده وخد الموبايل من على الترابيزة وقال بصوت واطي
ماترديش عليه
سألته وأنا بحاول أتماسك
إنت مين بالظبط؟
قال
اسمي شريف وأنا كنت شغال في الشركة اللي حسام كان شغال فيها من سنين
قلت له
وإيه علاقتك بالموضوع؟
بص حواليه وبعدين قرب مني وقال
أنا اللي اكتشفت إن حسام كان بيستغل اسمك في معاملات مالية من غير علمك
قلبي دق بسرعة وقلت
يعني إيه؟
فتح الظرف تاني وطلع ورقة قديمة
وقال
من حوالي سنتين حسام كان داخل في أزمة مالية كبيرة وكان عليه ديون كتير
قلت
طب ليه ماقاليش؟
ابتسم ابتسامة حزينة وقال
لأنه
حط الورقة قدامي
وقال
هو وأخته داليا دخلوا في مشروع وخسروا فلوس كتير
قلت
وإيه علاقة اسمي؟
قال
كان لازم يلاقوا حد يضمن القرض
ولأنك زوجته وعندك حساب مشترك معاه استخدم بياناتك
قلت بسرعة
بس أنا ماوقعتش
قال
أنا عارف
قلت
إزاي عارف؟
رد
لأني كنت موجود وقت توقيع العقد
اتجمدت مكاني
قلت له
بس إنت قلت إن حسام هو اللي مضى
قال
أيوه
حسام مضى باسمك
لكن الموضوع ماوقفش عند كده
طلع صورة تانية
كانت صورة من كاميرا مراقبة قديمة
ظهر فيها حسام وهو داخل مكتب ومعاه داليا
وفي إيده ملف
بصيت للصورة وأنا حاسة إن نفسي مكتوم
قلت
إيه اللي حصل بعد كده؟
قال
القرض اتاخد
والفلوس اختفت
قلت
اختفت إزاي؟
قال
جزء كبير منها اتحول لحسابات تانية
سألته
حسابات مين؟
سكت شوية وقال
حسابات ناس أنتِ ماتعرفيهمش
حسيت إن فيه حاجة أكبر من مجرد قرض
قلت له
طب الراجل اللي في الصورة مين؟
شريف بص للصورة وقال
ده أهم شخص في الحكاية كلها
قلت
إنت قلت إنه مات من عشر سنين
قال
دي كانت الحكاية اللي اتقالت للناس
بصيت له وأنا مش فاهمة
قال
والد حسام مات فعلًا من عشر سنين
لكن الراجل اللي في الصورة مش والده
قلت
أمال مين؟
قال
شريكه القديم
الرجل اللي كان مسؤول عن أكبر عملية نصب حصلت في الشركة
فضلت ساكتة
وبعدين قلت
يعني حسام كان يعرفه؟
قال
مش بس كان يعرفه
ده كان بيتعامل معاه من فترة طويلة
فجأة
لفيت بسرعة
لكن مفيش حد
شريف قال
إحنا لازم نمشي من هنا
قلت
ليه؟
قال
لأن حسام مش بيراقبك لوحده
خرجنا من الكافيه بسرعة ومشينا في الشارع وسط الزحمة
وأنا طول الطريق كنت
